Музейная педагогіка ў выхаванні дзяцей
Вучыць любіць зямлю бацькоў
Гісторыя пішацца па-рознаму. Яе вехі фіксуюцца ў дакументах, пісьмовых і вусных помніках, творах мастацтва. Але самай каштоўнай крыніцай інфармацы з’яўляюцца людзі сталага веку, якія захавалі ў памяці традыцыі, звычаі і матэрыяльныя каштоўнасці Гарадоччыны. Так званыя “бабуліны куфры” папаўняюць сёння і нашу музейную экспазіцыю ўстановы адукацыі “Сярэдняя школа №2 г. Гарадка ім. А.П. Сабалеўскага” пад назвай “Беларуская хатка”.
Каб даражыць мінулым, трэба ведаць свае карані, цікавіцца, дзе жылі і чым займаліся нашы продкі, што яны пакінулі нам. Наш край мае багатую спадчыну, якая ўвасоблена ў быце, нацыянальным адзенні, разнастайных вырабах народнага промыслу. У музеі установы адукацыі шырока прадстаўлена ткацтва, ганчарства, пляценне з лыку, лубу, саломы, вырабы мясцовых бондараў. Спазнанне шматвяковага жыццёвага вопыту нашых продкаў здзяйсняецца не толькі шляхам экскурсійнай дзейнасці у музеі установы адукацыі, але і шляхам даследчай працы. Музейныя экспанаты, якія асабліва прыкоўваюць увагу вучняў, становяцца сродкам вывучэння іх гісторыі. У навукова -даследчую працу, тэма якой “Гісторыя адной рэчы”, уключаюцца не толькі старшакласнікі, але і вучні малодшых класаў. Вялікая колькасць прадметаў, якія мелі шырокае прымяненне ў быце нашых продкаў, зроблена з дрэва. Пяцікласнікі Кудраўцаў Арсеній і Шлаганаў Яўген зацікавіліся дубовымі начоўкамі вялікіх памераў, 1м. 15 см. у даўжыню і 60 cм. у шырыню, і сталі даследаваць іх “лёс”. Крыніцай інфармацыі пра гэты музейны экспанат стала гаспадыня сядзібы вёскі Філімонава Даўгапольскага сельскага савета Янушэўская Аліна Васільеўна. Разам з тым, са слоў гаспадыні, вучні даведаліся шмат цікавага і пра таленавітых майстроў-самавукаў, яе продкаў. Начоўкі ж былі зроблены сто гадоў таму дзедам Аліны Васільеўны, Герасіменкам Герасімам Юр’евічам. Зроблены яны з векавога дуба, які рос за сядзібай. Цікава было даведацца хлопцам і пра інструменты, пры дапамозе якіх быў зроблены гэты прадмет. Гаспадыня перадала ў музей таксама цясло і скоблю.
Даследуючы гісторыю здавалася б зусім нязначнага прадмета, драўлыных начовак, якія ў мінулым у гаспадарцы былі ў кожнай хаце, вучні адкрылі для сябе шмат чаго новага і цікавага. Яны даведаліся аб паўсядзённых клопатах нашых продкаў, якія жылі увесь час у штодзённай працы. Менавіта ў вырабах з дрэва праяўляецца не толькі талент, але раскрываецца і беларускі характар – настойлівысць, крапатлівасць і цярпенне.
Яшчэ адным накірункам у нашай рабоце з’яўляецца адраджэнне векавых хрысціянскіх традыцый, бо духоўнае адраджэнне – гэта змяненне ўнутранага стану чалавека, яго мыслення. Адна з навукова-даследчых прац вучаніцы IX класа Ладохінай Дар’і пад кіраўніцтвам настаўніцы ўстановы адукацыі Казловай Іны Паўлаўны была прысвечана тэме “ Гарадоччына праваслаўная”. Пасля вывучэння гісторыка-дакументальнай хронікі Гарадоччыны і яе духоўнай спадчыны вучаніцай былі створаны эскізы кампазіцыі. Галоўнамі аб’ектамі кампазіцыі з’яўляюцца праваслаўныя хмары, якія захаваліся, а частка з іх аднаўляецца ў нашым раёне. Яны былі выкананы з гліны. Менавіта гліна здаўна выкарыстоўвалася нашымі продкамі. Не здарма ….звярнулася да гэтай тэмы. У наш час дзяржава, грамадства і царква аб’ядноўваюць свае намаганні, каб дасягнуць важнай мэты – выхаваць духоўна-багатую асобу, якая шануе мінулае, ганарыцца сучасным і дбае пра будучыню.
Кіраўнік комплекснага музея ўстановы адукацыі
“Сярэдняя школа №2 г. Гарадка ім. А.П. Сабалеўскага”
Ляўшова Л.П.
разгарнуць » / « згарнуць